0512 - 0513 宇宙船 扭蛋劇場 非洲的60秒

N:多謝晒咁多位嘅擔心...

0512 - 0513 宇宙船 扭蛋劇場 非洲的60秒

N:多謝晒咁多位嘅擔心先啦，咁而家等我俾個交代大家，其實嗰位食家呢，佢係去試吓啲無牌食肆，咁先話到俾大家知無牌同有牌嘅服務有咩分別吖嘛！

A: 咁請問佢有冇食評呀？因為市民都好想知道個食味係有咩分別喎。
N: negative呀！因為佢啱啱攞出枝牙籤，正打算拮之際呢，就已經發生咗嗰個誤會事件喇。

N: 所以我今日襯大家喺度，都想呈清返，嗰位食家呢，其實係臥底。
Y: 佢梗係餓先偷偷地入無牌食肆啦～
N: 邊個！邊個搞爛gag！出嚟！吖……

N: 嗱！我相信大家都知搞爛gag係無聊推定，希望各位唔好每次發生哩啲事就即刻搞爛gag！又唔好笑！
A: 但係我覺得好笑喎！
Y: 個gag爛唔爛條界線好模糊喎。

Y: 你咁樣講都，令大家人心惶惶，以後唔夠膽搞gag，成個城市冇晒幽默感。
N: 我地城市洗乜你咁幽默呀？我哋而家本身唔夠好笑咩？唔好笑咩？你答吖！
Y: 好笑～
N: 好笑你唔笑？
Y: 呀~hahahaha~

A: 咁可唔可以問下，阿臥底探員有冇洩漏到啲咩？
N: 洩漏就……我諗佢唔多唔少都要洩漏咗少少嘅，但係有套到……
A: 有套到？
N: 有套到對方口風！發現無牌食肆都有幫客人探體溫，哩點佢係表示安慰，伙記去仲有折！當然係指落單嗰啲伙記啦，不過而家都好少伙記夠薑落單㗎啦。

---